Aruba Bank a duna su sosten Celebrity Kickball Tournament

Pa sigui empodera hubentud

ORANJESTAD (AAN): Celebrity Kickball Tournament, organisa pa Slime Teens Entertainment, a uni 16 scol na Pos Chiquito Ballpark pa un dia yen di diberticion, deporte y union den comunidad.

Como un di e main sponsor, Aruba Bank a duna su sosten pa e evento dirigi na hubentud, cu tambe a inclui un celebrity match anima cu influencers local y un presentacion na mitar di e evento cu un artista invita for di Curaçao.

Representante di Aruba Bank, Endrick Leon a entrega e premio na e scol ganador y a comparti algun palabra resaltando e compromiso di e banco pa stimula desaroyo di hubentud via educacion, deporte y iniciativa comunitario.

Na Aruba Bank, nos ta kere den duna poder na e generacion cu ta bin pa lidera cu trabao den ekipo y meta. E evento aki tabata un bon ehempel di con colaboracion por inspira nos hubentud pa logra mas.

Aruba Bank ta felicita tur participante y ta mustra su gratitud na Slime Teens Entertainment pa crea un evento cu ta celebra e talento hoben y e comunidad Arubano.