Aruba Bank a contribui na torneo di softball di damas internacional “Copa Himno y Bandera”

ORANJESTAD (AAN):  Aruba Bank a contribui na torneo di softball di damas internacional en conexion cu celebracion di Himno y Bandera. Diferente ekipo tanto local y internacional a participa na e torneo aki.

Mirando cu Splash Softball Team di Aruba a cumpli 20 aña di existencia a tuma e oportunidad aki pa dedica e torneo aki na Wendy Dirksz y Rubia Ras.

E competencia a cuminsa ariba 31 di maart y a termina ariba diadomingo 3 di april caminda Splash Softball Team di Aruba a titula campeon.

Aruba Bank ta contento di por a aporta e deporte di softball. Representante di Aruba Bank tabata presente pa haci entrega di premio y trofeonan, patrocina pa Aruba Bank.

Pabien na tur ekipo cu a participa specialmente na Team local Splash cu a sa di sali campeon.