Aruba a bira campeon di Little League Intermediate pa Latino America

ORANJESTAD (AAN): Aruba su seleccion a bira Latin America Intermediate Division Baseball Champions 2026. 

Nan a obtene e titulo aki ciudad di Reynosa, den parti nort di Mexico y cu tin mas di mey miyon habitante.

   Nan a logra di derota e seleccion di Mexico den un fenomenal wega.  Algo notabel ta cu e prome wega, Aruba a perde di e seleccion di Corsou.  Posteriormente e seleccion di Aruba a bira brabo, y cu extra energia a sa di vence tur otro ekipo te cu a yega final.

   Na Augustus venidero, e seleccion aki di Aruba lo participa den e World Series di Little League Intermediate na California na Merca.

   Den fin di siman, Ministronan Wendrick Cicilia y tambe Ministro Rene Herdé a ricibi e hobennan aki na nan regreso na Aruba, y a combersa y papia cu nan den VIP Room di Aeropuerto.  Palabra di pabien na cada uno.  E potretnan aki pa cortesia di Ministerio di Deporte.