Addonsito ta felicita Giants Aquatics Aruba

Recien mi tawatin e oportunidad di host e awardnight di Giants Aquatics Aruba.

E ceremonia a honra e mas cu 50 atletanan di natacion cu den 2023 a destaca. Cada coach tawata tin palabranan di gradicimento na tur mayor y  boluntario cu a haci e participacion activo di e atletanan posibel.

            Un total di 10 atleta a ricibi premiacion special pa nan puesto y prestacion aña pasa. Tawata e fundado, coach y atleta activo Jordy Groters esun cu a duna un speech emotivo motivando nan tur pa nan sigui cu e talento campeon cu nan tin.

            Na nomber di Giants Aquatics, sra. Zuleika Silva a gradici tur colaborador, boluntario, mayor, prensa di Aruba cu a haci e exito di Giants posibel den 2023.

            Cu e articulo aki mi ta manda palabra di pabien y di hopi mas exito pa e club campeon aki di natacion cu ta Giants Aquatics. Danki p’e honor ricibi y e chens di MC un evento asina bon organisa den Boulevard Events Center.