ORANJESTAD (AAN): Fundacion Motor Unit Aruba ta organisando nan prome Walk and Run ariba diadomingo 18 di februari 2024.
Lo tin categoria pa mucha desde 4 te 11 aña, hoben for di 14 te cu 16 aña y adulto for di 17 aña te cu 60+. Pues no tin excusa pa participa. E evento ta cuminsa pa 6 am en punto pa e adultonan y 7 am pa mucha-y hoben nan. Distancia lo ta 6 km pa adulto y pa mucha ta varia dependiente di nan edad.
E 'Start' ta patras di santana na Paradera. Tin luga solamente pa 600 participante incluyendo mucha, hoben y adulto. por registra via www.vmurun.com
Lo tin premiacion overall den tur categoria di edad pa adulto y mucha/hoben. Na final lo tin fruta y bebida pa refresca. Fundacion VMU ta pidi tur participante pa bisti un t-shirt di cualke careda cu nan a supervisa den e ultimo 10 añanan. Asina kier logra formalisa un evento colorido y alabes bay bek un tiki den tempo. Tin bon espacio pa parkeer na Club Caiquetio y na Misa di Paradera.
