A duna e prome paso pa sigui negocia y por realisa un scol di futbol di Juventus FC

C.B. Piedra Plat y Juventus FC di Italia a firma un 'letter of intent'

ORANJESTAD (AAN):  Diamars 16 di April 2024 Directiva di C.B. Piedra Plat representa pa su president Franklyn Bareño y Juventus FC di Italia representa pa Director di Juventus Academy na Brazil Sr. Eduardo Jenner de Andrade Silva y Miguel Ortiz a firma un 'Letter of Intent" pa busca e posibilidad di establece un scol/academia di futbol akinan.

            Juventus FC di Italia tin academia di futbol tur rond di mundo y despues di a bishita compleho Deportivo Franklyn Bareño/Britannia na Piedra plat a haya interes pa trece un academia/frankicia den estilo y metodologia di Juventus FC aki. E.o. na Brazil, Florida y otro paisnan tin mas cu 58 scol/Academia di futbol estableci y activo.

            E programa di coaching, formacion y desaroyo futbolistico ta segun e programa di training y coaching, metodologia  y supervisa profesionalmente pa Juventus FC.

            Pa wordo certifica como coach Juventus FC lo zorg pa tin cursonan na esnan interesa pa un formacion professional deportivo y asina conoce, ehecuta y siña balornan humano atrabes di futbol.    Cu e obhetivo pa por yega tur parti di mundo y duna posibilidad na muchanan y entrenadornan pa biba e experencia di Juventus FC.

            Cu e letter of intent aki ta inicia e prome paso pa sigui negocia y por realisa un scol di futbol di Juventus FC akinan.