Cantidad di casonan activo cu tendencia na disminucion

Cifranan di fayecidonan ta keda subi -ORANJESTAD (AAN): Segun resumen di diahuebs, 68 persona a recupera y un total di 35 caso nobo di COVID-19 a keda registra cual 3 ta no-residente y 32 ta residente.

E cifranan aki ta representa un 'Positivity rate' bou di residentenan di 14%. E cantidad di casonan activo di COVID-19 ta  444 y cantidad di fayecidonan relaciona cu COVID-19 a aumenta na 154 cu morto di 1 residente. Forsa na famia di e fayecidonan.

Datonan ta ilustra casonan nobo di COVID cu un average semanal di 38 caso pa dia y un averahe di 'positivity rate' semanal di 19% pa dia.

Actualmente na Aruba tin 31 persona interna debi na COVID di cual 10 ta den ICU y 21 riba piso general y na Colombia tin actualmente 24 persona den Cuido Intensivo.

DATONAN:

For di comienso di juli cu DELTA a haci su introduccion na Aruba por observa cu lamentablemente 46 persona a perde e bataya contra e virus di COVID-19 di cual 7 tabata vacuna y 39 no tabata vacuna.

Den e grafico adhunto por observa e cantidad di fayecidonan y nan respectivo edad na momento di nan morto desde comienso di juli 2021.