Buki di Pret ta celebra su di cinco aña di hubileo hunto cu Armando Goedgedrag

Fundacion Buki di Pret ta celebra cu orguyo e lansamento di e cinco

edicion di e popular buki gratis di vakantie pa muchanan na Aruba. E prome ehemplar di e

edicion di hubileo aki a wordo entrega cu gran entusiasmo na e artista Armando Goedgedrag

na e scol basico Soeur Juliette na Oranjestad. 

Mas actividadnan cu nunca prome

            E edicion 2025 di Buki di Pret ta yena cu no menos cu 104 actividadnan y ofertanan cu tin un

prijs rebaha of ta completamente gratis, den seis categoria conoci: flora y fauna, arte y obra di

man, diversion y wega, deporte, educativo y cuminda y bebida. E buki aki a wordo prepara

specialmente pa tur mucha Arubiano entre 6 y 13 aña (klas 1 te 6). 

E aña aki tambe tin actividadnan extra special

            Ademas di e gran cantidad di actividadnan, e aña aki tambe tin varios actividad extra

dibertido. Por ehempel, busnan special lo ta disponibel un bes mas pa esnan cu di un otro manera

lo no por a participa. Pa logra esaki, colaboracion a wordo busca cu diferente entidadnan social y

centronan di bario.

            Ademas, Buki di Pret hunto cu Armando Goedgedrag ta organisa un concurso di dibuho. E cinco

obra mas bunita y creativo lo gana un tayer exclusivo di pintura cu mes artista mes. Muchanan cu

kier participa lo por haya tur informacion tocante e manera di participa riba pagina 8 y 9 di nan

buki.

            Naturalmente, e edicion di aña di hubileo aki, tambe ta contene hopi pagina pa kleur, puzzel,

weganan y cosnan interesante pa sa tocante Aruba. Por ehempel, con costa, lama y tera ta traha

hunto, y con bo por cuida bo mascota y di bestianan riba caya. 

Reparticion na scol

            Den e simannan binidero, voluntarionan di Fundacion Buki di Pret lo bishita tur scol basico pa

entrega e bukinan personalmente. Naturalmente, tambe lo wordo tuma na cuenta tur esnan cu ta

sigui educacion special of na cas. 

Pa Aruba, door di Aruba

            Buki di Pret Aruba ta posibel danki na e sosten di hopi negoshi, institucion, asociacion y

voluntarionan local. Nan yudansa ta hacie posibel pa sigui cu e iniciativa aki y amplia esaki cada

aña mas y mas. 

Tocante Fundacion Buki di Pret

            Fundacion Buki di Pret ta un organisacion sin finnan comercial, cu ta kere cu tur mucha tin

derecho riba un medio ambiente sigur, saludabel y un estimulo pa siña y biba. Vakantie y tempo

liber ta un parti importante di esaki. No tur mucha tin e posibilidad pa bay cu vakantie, pero

afortunadamente, na Aruba tin hopi cos ainda cu por wordo haci aki mes. Buki di Pret ta yuda

muchanan y mayornan pa descubri esaki, y pa haya den forma entreteni, experencianan nobo.

Pasobra tur mucha ta merece un vakantie feliz!