ORANJESTAD (AAN): Riba Dialuna, Departamento di Aduana ta purba uza nan sistema pero esaki ta fayando cada rato.
Finalmente den oranan di atardi, nan a confirma cu nan sistema ta down. A ser splica cu e fayo a bini como consecuencia di e black out di diasabra ultimo.
Nan ta haci tur cu nan por pa localisa e fayo y despues coregi esaki. El a tuma mas tempo cu a calcula y pa e motibo ey ta haya su mes oblige pa informa su clientela y pueblo di Aruba en general cu temporalmente Departamento di Aduana no por brinda su servicio manera costumber.
A keda di check si Dialuna atardi laat lo por soluciona e sistema, pa asina kizas awe Diamars por traha bek.
Mientrastanto nan ta pidi tur hende, clientele y Aruba en general, poco comprension pa e situacion inespera cu pronto nan ta soluciona.
