ORANJESTAD (AAN): E ta bay dune na Aruba! E tayer di fotografia experimental cu Krisztina Czika
“What’s left to capture?”.
Durante e tayer aki lo cera conoci cu e principionan basico di un camber scur pa fotografia, y fotografia alternativo cu un emulsion cu ta sensible pa claridad. Ta cuminsa traha entre otro cu substancianan kimico y ta bay investiga con uza un aparato cu ta haci potret grandi.
Ademas ta bay traha e propio superficienan y cargadonan pa propio prints. Nan lo traha cu diferente sorto di material pa crea un base cu ta cuadra miho cu e tema y topico cu ta bay scoge pa keda cune. Tambe ta importante pa pensa riba medionan fisico cu tin di documenta y warda den un comunidad cu mas y mas ta documenta digitalmente e bida y present’e.
E pregunta: “Kico mas mester rescata”? Esey ta inspira door e nocion importante pa tene y conserva e medionan den nos bida cu ta haya cu ta di mes, pero en realidad poco-poco nan ta disparce. Den mundo, esakinan por ta cambionan cu ta tuma luga pa medio di cambio di clima, pero tambe cambio den nos ambiente, cultura of te hasta den nos bida personal.
Den un mundo cu ta domina pa medio di tecnicanan digital, tin tambe hustamente e necesidad pa metodonan fisico cu ta rekeri habilidadnan personal y aporte artistico.
Ta pesey den e tayer aki ta bay investiga hunto cu Krisztina Czika con pa banda di e mundo digital por gara e recuerdonan, warda nan y presenta nan pa medio di fotografia alternativa.
Krisztina Czika ta di Hungria y eynan el a studia Moda y Tela na “Scol Avanza di Arte” cu ta keda na Budapest. Na 2012 el a muda pa Amsterdam. Eynan el a sigui cu su estudio na Gerrit Rietveld Academie unda cu na aña 2017 el a gradua.
Krisztina Czika ta un artista honra cu a tene exposicion na diferente lugar den mundo. Banda di esey e ta ofrece diferente tayer na unda cu e problemanan ecologico ta central.
Asina e tayer cu e ta bay duna na Aruba ta un continuacion di un proyecto similar cu tabata un exito na Sri Lanka. Na aña 2018 Krisztina Czika tabata huesped na Ateliers ’89. Cu un grupo di participante cu tambe a keda na Ateliers ’89, nan a traha instrumentonan musical cu papel recicla.
Por inscribi ainda na:
This email address is being protected from spambots. You need JavaScript enabled to view it.
E siman aki ainda por inscribi pa e tayer aki.
