Un dia pa honra personal di mantenimento di Cuerpo Policial

ORANJESTAD (AAN): Recientemente Altocomisario di Polis drs. Ramon Arnhem a haci un encuentro special

cu e trahadornan di mantenimento di Cuerpo Policial Aruba.

   E personalnan aki ta fundamental pa e organizacion policial. Nan ta personal cu ta encarga pa mantene e facilidadnan limpi y organiza tur locual ta necesario pa e wardanan policial por funciona debidamente.

   “Kisas ta algo cu hopi hende no ta mira ta normal of importante pero e personal aki merece tur aprecio y gratitud pa nan trabao cu nan ta haci. Nos mester baloranan pasobra nan tambe merece pa e trabao fantastico y esfuerso cu nan ta haci” tabata palabra di altocomisario Arnhem.

   Pa e motibo aki a haci un encuentro di sorpresa pa nan y bisanan danki cu un bon almuerzo y un bon ambiente combersando hunto y cera conoci cu otro mas miho ainda.

   Hunto por haci un diferencia y hisa e calidad na momento cu nan aprecia e personal di organizacion Policial.