Chauffeur a baha caminda dal y kibra palo di luz na Hato

ORANJESTAD (AAN): Diamars algo prome cu 11'or di anochi, Central di Polis a dirigi un unidad policial pa e caminda di Kibaima pa Pos Abao,

na altura di Hato unda auto a dal y kibra un palo di luz.  E prome yamadanan no a indica si tin heridos of no.

   E prome unidad di Polis cu a yega, a bin nota cu e palo di luz a kibra parcialmente net abao, y esaki e ora a kenter y a bay colga riba caminda, y a keda wanta pa solamente wayanan di e otro palonan di luz.

   Den e greppel net su tras, a bin topa cu un auto compacto Kia Picanto.  Polis a nota cu ta un turista tabata na stuur, y pa cierto motibo a perde control, baha di caminda pa dal fuertemente den e palo di luz, y finalmente cay den e greppel.  El a sali ileso di e accident.

   Tecniconan di NV Elmar a yega, y e caminda a keda cera pa un rato, debi cu un ora pa otro e palo di luz por a cay.