Turista herida ora di dal contra tubo di borchi di informacion

ORANJESTAD (AAN): Diasabra mainta, Central di Polis a ricibi informacion cu riba caminda di Babijn pa Ayo,

un poco prome cu e birada na Marawiel, un accident a socede cu un vehiculo tipo ATV, conoci como ‘Quadracer’.

   Ora cu Polis a yega eynan, a bin nota cu un turista tabata coriendo ATV di marca Cfmoto modelo Cforce di fabricacion Chines, cu net otro banda di Marawiel 10 a baha banda drechi di caminda y bay dal contra un tubo di e borchinan di informacion.

   Ambulance tabata necesario na e lugar pa e atende cu e turista herida. Un segundo Ambulance a yega, pero no tabata necesario mas pa trata e segundo persona debi cu e no tabata hopi grave.

   E turista cu si a resulta mas serio herida a worde transporta pa Servicio di Emergencia na Hospital cu urgencia.  Polis di Trafico tambe tabata necesario na e accident aki.  E tubo a kraak pues e lo tin di wordo cambia.  E ta e borchi cu ta indica cu eynan por bira pa bay Seroe Crystal.