ORANJESTAD (AAN): Polis ta haci un suplica si tin mas testigo cu a wak un dalmento entre dos auto den Havenstraat na Oranjestad, cu a tuma lugar dia 14 di Juli 2023 pa mas of menos 10:50 di anochi.
Den e accidente aki un di e chofernan lamentablemente a perde su bida. Tras di e dos autonan tabatin un chauffeur di brommer ta bin, cu probablemente tabata testigo di e accidente. Ta pidi e chauffeur di brommer como tambe e dama bisti na blanco para riba trottoir pa tuma contacto cu polis.
Koninklijke Marechaussee ta investigando un accidente di trafico cu consecuencia fatal cu a tuma lugar den Havenstraat na Oranjestad.
Cuerpo Policial ta urgi cualkier persona cu por tin informacion tocante e accidente, pa yama e tiplijn di Polis 11141.
Of por manda polis di trafico un WhatsApp via number 5975191.
