Polis di Bario y otro departamentonan a drenta cas bandona den Playa

ORANJESTAD (AAN): Diahuebs den oranan di mainta polis, bomberonan y otro departamentonan di Gobierno a bay un cas di dos piso situa

ariba e skina di Concessielaan y Dominicanessenstraat na Playa.

   E motibo tabata holo desagradabel y cachonan maltrata. Lamentablemente mester bisa cu aki na Aruba esey ta pasa masha hopi mes.

   A controla e cas y lamentablemente a bin topa cu 2 cacho cu a muri door di maltrato di hende y tabata tin otronan cu tabata na bida. Instancianan a piki e curpanan di esnan morto y tambe a bay cu esnan bibo. Spera cu nan por haya un hogar pa stimanan di berdad.

  Ariba imagen por mira cu Bomberonan tambe a duna un man, y a yuda bay controla e parti ariba di e cas grandi aki pa mira si tin hende, pero no a haya nada.

   Hopi aña atras un persona a bula di e segundo piso di e mesun cas aki y a fayece.