ORANJESTAD (AAN): Diabierna atardi banda di 4:20 pm, net ora cu un unidad di Polis di Noord tabata haciendo un control riba trafico pasando dilanti Kapel San Huan Pablo II na Tanki Leendert,
nan a mira claramente con chauffeur di un Hyundai H-1 Van color silver ta coriendo y e tin un smartphone den su man drechi.
Mesora Polisnan a dune un ordo pa e stop, y el a cumpli cu esey tambe. Polis a pidi e persona tras di stuur pa mira su rijbewijs valido. Pero e homber no tabatin rijbewijs pa duna Polis.
El a ricibi dos boet! E prome ta cu e ta core auto sin rijbewijs, cu ta un violacion di Articulo 10 inciso 1 di Ley di Trafico. Esaki ta un boet cu ta bay coste 550 Florin.
Tambe a dune boet pasobra a gare ta usa un smartphone den su man, cu ta un violacion di articulo 7A di ley di Trafico. Esaki ta un boet cu ta bay coste 500 Florin.
Polis a menciona cu el a viola Articulo 21 di Ley di Trafico tambe. Esey parce ta ora cu bo no usa bo luz di señal ora di bira, baha, of subi caminda. Esey ta un boet cu ta costabo 200 Florin.
Pues e persona aki debi cu e ta coriendo cu smartphone den man y tur cos extra, lo tin di bay paga 1.250 Florin na boet.
