Pelea fuerte na Piedra Plat a produci dos hende herida

Tres hende deteni

ORANJESTAD (AAN): Diadomingo den oranan di anochi, Central di Polis a manda un cantidad di unidad di Santa Cruz rumbo pa un Supermarket na Piedra Plat, unda tabatin un pelea formal y hende herida.

   Na e yegada di Polis, berdad a bin topa dos homber na sanger.

   Un di nan cu tabata herida, a resulta di ta basta bao influencia di alcohol, y ta comportando su mes fastioso.  Esey ya a pone cu polisnan mester a pone den boei.  El a sigui haci fastioso y zapatea, y asina algun rato mas despues a boei ambos pia.

   Segun testigonan, e pelea a cuminsa pazuid di e Supermarket. Y segun e testigo e homber cu e petchi ta esun cu a cuminsa cu tur e problema.

   No ta conoci si e tres hombernan aki lo por tabata bebiendo hunto, un rato prome.

   Durante e pelea, e homber cu nan a boei na man y pia a wordo seriamente maltrata; momento cu e di tres homber cu a bisa polis cu e ta ruman di esun cu petchi a trapa e otro varios biaha ariba su cabes cu su boots. Segun testigo el a trapa e homber como 5 biaha, suerte e tin cu e no a mat'e.

   Transportwagennan a tarda masha hopi mes, pa yega. E tardansa ta pone cu esun cu a wordo trapa y cu ta esun cu tabata mas bebi a keda habri boca y expresa monton di palabra vulgar.

  E mesun homber aki tabata cu su cacho chikito Jack Russell y tabata blo keda puntra pe. Ora cu transportwagen a yega pa busk’e, polisnan a busca den su auto cu a keda atras pa e cacho cu a core bay sconde di miedo.  E cacho a wordo haya y hinca den e transportwagen cu su doño.

   Un ambulance a yega pa trata e homber cu petchi pa e golpi/kap ricibi na cabes.  Nan tur a wordo hiba warda di Santa Cruz, segun a compronde.