Homber arma a yega y menaza doño di apartamento

ORANJESTAD (AAN): Diadomingo mainta, Central di Polis a dirigi dos patruya di Santa Cruz rumbo pa un compleho di apartamento situa na Santa Cruz, unda un persona a yega cu arma di candela y menaza hende.

   Un testigo cu a mira algo preto manera un arma di candela, ta esun cu a core yama pa avisa polis.

   Agentenan cu a yega a topa cu e agresor ainda y a efectua un control y a bin haya un arma pero a resulta cu esaki tabata un pistol di aire.

   A notifica team forensico di BFTO cu a yega pa a saca algun potret di cual lo tabata tin den un pickup, y na final a detene e homber y a confisca un vehiculo.