Chauffeur femenino a spanta ora taira di auto a rementa

ORANJESTAD (AAN): Tabata Diadomingo atardi ora cu Central di Polis a manda un unidad di Polis riba Avenida Nelson Oduber, casi yegando Rotonde di Palm Beach pa un accident.

   E unidad di Polis cu a yega, a topa riba e berm mey-mey di e dos vianan, un auto sedan Nissan Versa color blauw cu a baha di caminda bay mey-mey di yerba, y tin un chauffeur femenino eynan.

   E dama a conta polis cu e tabata coriendo di Palm Beach direccion Bubali, pues direccion zuid, momento cu un taira a rementa, causando cu e la perde control ariba e auto. Den e maniobra e ta dal contra un baranca y termina mey-mey di e dos vianan.

   No tabata mester di asistencia medico, pero takelwagen si tawata necesario pa saca e auto. Polis a tuma datos y a continua cu nan patruya.