Autoridad local a cuminza cu un curso pa Polis di Bario

Algo specialisa pa hisa e nivel di polis di bario

ORANJESTAD (AAN):  E siman aki a cuminsa cu un curso dedica y specialisa pa polis di bario di Cuerpo Policial Aruba. Tabata despues di basta tempo a organiza un curso di e forma aki pa asina por sigui inverti den e personalnan di Cuerpo Policial (KPA).

  E curso aki ta worde duna pa docentenan di Hulanda cu ta den e funcion di Politie wijkagent. Cu e yudansa di polis di Hulanda, polis di bario lo ta hopi mas organiza y capacita pa locual ta e funcion aki.

  Pa altocomisario di Polis, drs. Ramon Arnhem e ta orguyoso di por participa cu Polis di Bario ta haya e oportunidad di por haya un curso pa asina nan por ta miho specialisa. “Tin dos strategia pa KPA cu ta: Intellegence Based Policing y Community Policing. E strategia aki nifica cu nos kier ta mas cerca di comunidad y tin e contacto cu nos comunidad pero locual ta importante ta pa brinda nos comunidad e miho servicio di seguridad”. Tabata palabranan di altocomisario di Polis Arnhem cu ta satisfecho cu KPA ta desaroyo positivo.

   E ta importante pa cada colega haya e oportunidad di desaroyo, train y sigui hisa nan conocimento den e area di Husticia. KPA ta den desaroyo y cambio pero locual ta importante pa sigui inverti den e personal di KPA cu ta importante pa e altocomisario pa e siguiente etapa di Cuerpo Policial Aruba.