Autoridad investigando caso serio di maltrato na Sero Patrishi

ORANJESTAD (AAN):   Diahuebs algo prome cu 6 or di atardi,  polis a wordo pidi pa bay Sero Patrishi. Eynan, agentenan a topa un auto porta habri y cu daño ariba windshield.

            Tambe, cerca di e auto a haya un homber ariba caminda, herida y sangrando. Testigonan a duna nan version di e sucedido y a bisa c'un grupo a maltrata e homber. E homber no por a defende su mes y tabata haya golpinan fuerte cu a mand'e ariba vloer.

            Agentenan tabata purba di comunica cu e homber, pero esaki tabata papia pero cu dificultad.

Otro unidadnan policial a bay tira bista rond pa wak si por a haya e agresornan.

            Paramediconan a atende cu e homber y a pon'e den ambulance unda cu despues di un rato a sali bay direccion Hospitaal.

            Departamento Tecnico y Recherche a wordo a cuminsa haci un investigacion relaciona cu e caso aki.