Diasabra a despedi di e gran locutor y personahe Roberto Geerman

ORANJESTAD (AAN): Diasabra mainta tabata tin entiero di e gran locutor y personahe Roberto Geerman.   

Robert Francisco Geerman, mihor conoci como Roberto, a fayece dos siman pasa.  Un gran baluarte den radio difusion na Aruba, a wordo despedi den cadena nacional en vivo via diferente medio di prensa local. 

   Diasabra for di 11:00 am te cu 2:00 pm, publico tabata tin chens di pasa condoleer famia y despedi di Roberto, via un actividad di Walk-thru y Drive-thru riba plenchi Santa Teresita na San Nicolas.  

            E mainta aki a laga e restonan mortal di Roberto pasa bishita e emisoranan cu mas el a frecuenta den su crecimento y bishitanan social, e.o. Welcome Back Snack na Solito, na Galactica FM, y despues a bay San Nicolas pa e despedida.

            Cu Roberto sosega na paz.