ORANJESTAD (AAN): Riba Diamars atardi, Ministerio Publico a informa cu a dicidi pa stop e detencion di e sospechoso di inicial K.J.G.-M.
Pues riba Diamars mes el a sali bek liber, pero pendiente mas investiagcion.
E homber K.J.G.-M. a wordo deteni siman pasa Dialuna 6 di September relaciona cu e investigacion di e asesinato di Poentje Castro. E caso aki ta conoci como ‘Caso Apollo’.
Segun Ministerio Publico den un boletin, nan no ta considera cu ta necesario mas pa G.M. keda deteni. E ta sigui como un sospechoso den e caso.
Manera ta conoci, Poentje Castro a wordo asesina 11 aña pasa den oranan di anochi den su cura di cas na Apollostraat, y te mainta a bin haya su curpa benta abao den cura.
