ORANJESTAD (AAN): Diahuebs atardi den Corte di Husticia, Hof di Corte Superior a trata e caso di Eugene Lampe cu a protesta contra cu Minister di Husticia
a pospone su libertad condicional di 5 Augustus 2021 pa 3 November 2021. Eugene Lampe a wordo condena na 20 aña di prison pa a asesina su famia na forma cruel. Despues di 13 aña sera, el a pidi pa haya libertad condicional. Minister di Husticia a dicidi cu ta pospone e libertad condicional te November 2021 pasobra e kier tin un plan completo con ta bay atende cu Eugene Lampe ora e haya su libertad.
Eugene Lampe a wordo hiba Corte di Husticia y den sala di Corte el a bisa cu e ta desapunta cu a pospone su libertad condicional.
MI NO TA UN PELIGER
Eugene a bisa e tres Huesnan cu ta forma Hof, cu el a comporta su mes durante 13 aña den KIA. El a bisa cu e no ta un peliger. Segun Eugene, por ta hendenan ta preocupa pa cu su forma di haci pero nan no a mira con el a cambia
EUGENE TIN PENSA BAY HULANDA
Eugene a puntra Hof pakico nan no ta mande Respaldo en espera di e raport di psychiater. Hof a mustra cu no tin claridad con lo mester trata Eugene. Eugene a bisa cu e tin 13 aña sera ta mira muraya. Na Respaldo e tin mas libertad. E lo por bay laman, mira hende, tuma aire liber y asina cuminsa socialisa. El a bisa cu por ta e bay Hulanda caminda e lo haya mihor tratamento.
