ORANJESTAD (AAN): Mas y mas detencion ta sigui cay den loke ta conoci como e caso 'Avestruz'.
Informe cu DIARIO a haya ta cu diaranson mainta a detene un persona cu a ocupa e posicion di secretaria pa ex minister y actual miembro di parlamento Benny Sevinger.
E señora Mary H. a wordo hiba Landsrecherche pa interogacion.
Tin 3 persona mas cu ta deteni ainda y esakinan ta Leoncita A., Freddy E. y Franklin A.
Otro 4 persona a wordo deteni pero nan a wordo laga den libertad. Ta papiando akinan di Rebecca R, Jeffrey F, Ninosca N y Gabby W.
