Investigacion di asesinato di Poentje Castro ta den full speed -
ORANJESTAD (AAN): Ministerio Publico a informa cu Diahuebs, un di dos persona a wordo deteni den caso di asesinato di Poentje Castro. E caso ta conoci como 'Apollo'.
E persona aki tambe ta wordo sospecha di envolvimento den asesinato di Poentje Castro. Segun relato di Ministerio Publico, e investigacion ta continuando y mas detencion no ta wordo exclui.
Ministerio Publico ta den full speed cu e investigacion y dialuna pasa nan a anuncia prome detencion relaciona cu e caso tragico aki.
Manera DIARIO a publica, ya ta diez aña pasa cu Aruba a keda den shock completo door di asesinato di periodista di television John Anthony ‘Poentje’ Castro.
Den ultimo 10 aña, no tabatin un detencion di un sospechoso pa e asesinato aki, pero Cuerpo Policial di Aruba y Ministerio Publico ta convenci cu tin hende cu tin conocimento di e caso, pero cu te ainda no a papia nada.
Un yamada urgente ta bay na personanan cu tin conocimento tocante e asesinato di Poentje Castro, of cu sa kende(nan) a comete e asesinato aki, pa meld nan mes. Nan tabata suplica pueblo pa duna informacion via tipline 111-41, e ta keda confidencial.
