E tata na yoramento a bisa cu e ta arepenti --- ORANJESTAD (AAN): Diabierna Corte di Husticia a trata un caso tristo, caminda e homber M. (33) a abusa di su dos yiunan, un di 5 y un di 6 aña.
E caso tabata tristo pasobra ta increibel pa scucha con un tata, despues di a usa cocaina, a bay viola su dos yiunan. M. na yoramento a bisa Hues cu e ta arepenti y tin berguenza di loke el a haci.
Fiscal a bisa cu e usamento di cocaina no ta un excusa y a exigi 4 aña di prison di cual 3 luna ta condicional y 3 aña di prueba. Tambe Fiscal a pidi pa aproba e demanda di en total 10 mil florin pa e dos muchanan. Hues, despues di a pospone e caso pa un rato pa pensa, a bolbe y dicta sentencia di biaha. Hues ta haya M. culpable y a confirma e exigencia di Fiscal. Den e articulo aki, DIARIO ta concentra riba tratamento di e caso. Den un otro articulo ta publica e exigencia di Fiscal, e defensa di abogado y e decision di Hues.
VIOLA DOS MUCHA MENOR DI EDAD
E acusacion cu Fiscal a presenta den Corte ta cu ta sospecha M. di a viola su mesun yiunan (un homber y un muher) entre 2015 y 2016. Abogado mr. Croes a representa mama di e muchanan cu a haci demanda di daño. Mr. G. Sjiem Fat a representa M.
Hues a bisa cu ta casonan bieu y e kier papia cu M. riba e casonan aki. Hues a puntra M. si el a pensa cu un biaha esaki lo sali na cla. E muchanan e tempo ey tabatin 5 y 6 aña. M. a bisa cu si. Hues a puntr’e pakico e no a papia promer. Segun M. tabata hopi duro y e tabatin miedo pa papia cu hende riba e casonan aki. El a pensa cu hende ta kere cu e lo ta loco. Hues a mustra cu lo tabata bon pa a papia.
Hues a mustra cu M. a declara na Polis cu na April 2016, el a bay usa cocaina pa prome biaha, mientras cu su yiunan tabata drumi. Segun M. e cocaina a dun’e gana di satisface su mes sexualmente. El a bisa cu el a bay cerca su tata cu ta biba na banda pa ayudo pero su tata tabata drumi. El a bisa cu bou influencia el a pone su parti intimo na su yiunan nan boca. Prome tabata e yiu homber y despues e yiu muher.
HOMBER KIER A MATA CURPA
El a bisa cu e cos aki tabata traha riba dje te cu e kier a mata su curpa. E tabata yora y a bisa Hues cu e tabata usa marihuana pa trankiliza. E dia ey pa prome biaha el a usa cocaina mientras cu su yiunan tabata drumi. Hues a bisa cu e muchanan a bisa otro cos. Un di e muchanan a bisa cu e mester a mishi cu su tata su parti intimo y chupa. M. a bisa Hues cu e mes a pone su parti intimo na boca di su yiunan pero a kita di biaha. Na opinion di Hues e ta kere cu M. no por a controla su mes y ta pesey el a bay na su otro yiu muher. Hues a bisa cu M. no a para keto ora el a bay na su promer yiu.
Despues M. a bay busca su partner pero no a bis’e nada di loke a pasa. Hues a mustra cu un di e yiunan a bisa cu M. lo a penetr’e di patras. M. a desmenti categoricamente esaki.
MAMA NO KIER PA TATA TIN CONTACTO CU YIUNAN
Fiscal a puntra M. con por ta cu e muchanan ta bisa cu nan mester a chupa na e parti intimo di M. Segun M. e muchanan lo a bin cu un storia. El a desmenti categoricamente cu e lo a bisa su yiunan cu si nan bay conta, e lo dal nan. Hues a bisa cu M. a bisa na Reclassering cu ta duele hopi pa loke el a haci. Hues a puntra M. kico e kier pa su relacion cu su yiunan. El a bisa cu e kier duna nan tempo y haya bon trato pa nan tin un bon futuro. El a bisa cu e kier yuda su yiunan. Hues a bisa cu e mama no kier pa M. tin contacto cu nan 4 yiunan. M. a bisa cu e kier haya ayudo di Reclassering pa e sali for di e trauma cu e tin.
DEMANDA DI DAÑO
Abogado mr. Croes a presenta na Hues e documento di demanda di daño inmaterial di 5 mil florin pa cada un mucha. El a bisa cu e muchanan actualmente ta hayando tratamento di psicologo y no tin un bista con largo esaki lo dura. Mr. Croes a bisa cu por bien ta den futuro e muchanan lo por keda afecta y pesey kier e placa pa spaar pa asina tin placa pa tratamento.
Manera ya ta conoci, e homber M. a wordo haya culpable y condena igual na exigencia di Fiscal.
