Youth program Dakota cu plan holistico presenta pa Fundacion Lead by Design y CEDE Aruba

ORANJESTAD (AAN): Recientemente Fundacion Lead by Design den colaboracion cu CEDE Aruba tabata tin na Youth program pa hobennan di Dakota.

Esaki a tuma luga na Centro di Bario Dakota eherciendo practicanan pa ekipa hobennan riba temanan specifico manera Hiking & Sports, Money Psychology, Budgeting, Understanding your Personality, Emotional Wellbeing, Discovering Your Potential y Success Planning.

   Programa a tuma luga dia 22 juli pa dia 2 augustus cu a pasa, a conta cu partcipacion di 14 hoben.

   Durante sesion di Hiking & Sports hobennan a pasa den un experiencia pa pone ‘team building’ na practica. Henter e experencia ta diseña pa yuda hobennan comunica ku otro y desaroya confianza. Soluciona problema tambe ta nesesario pa supera e retonan chikito of grandi cu ta presenta nan mes na caminda.

   Den tayer di Money Psychology, hobennan a siña detecta nan propio emocionnan ora ta regarda tuma decisionnan sano pa cu e maneho di nan finanzas. Como tambe pa e parti di budgetting, con pa nan presupuesta nan finanzas y keda denter di nan presupuesto pa por logra nan metanan.

   Di part di Facilitado, Franklin Seute nan tur a haya un buki di Budgeting regalo pa yuda nan maneha nan finanzas como studiante.

   Understanding your Personalities, un tayer hopi efectivo cu ta yuda hobennan conoce na personalidad, reconoce personalidad di otronan y mehora nan relacion cu otronan ta un tayer clave ora ta trata nos identidad. Den combinacion cu Emotional Wellbeing y Discovering Your Potential por identifica unda cada ken ta den lo actual, su desaroyo y con nos tin pa traha riba esaki, unabes identifica pa alcansa e miho version di nos mes pa por alcansa nos metanan y ultimadamente, opera den nos proposito mayor.

   Y ora ta trata na planifica pa esaki e logro aki, hobennan tambe a pasa door di e tayer di Success Planning.
   Planificacion ta un componente clave pa logra exito! Sea nos ta trahando riba un meta personal of profesional. E ta encera fiha metanan, identifica posibel obstaculo y crea un plan di accion pa yega na bo resultado desea.

   Danki tambe CEDE Aruba y e Centro di Barionan, na patrocinadonan Aruba Bank, Elite Productions, Setar NV kendenan ta haci e Youth program posibel pa asina hobennan - nos futuro lidernan mes, por a participa y ricibi e tipo di contenido aki 100% gratis.

   E Youth program ta pa hobennan entre edad di 16 pa 18 aña di edad