Durante periodo di carnaval
ORANJESTAD (AAN): Monique Giel, kende ta “Tienermoederconsulent” di Wit Gele Kruis a laga sa cu lo bay duna mas charla na scolnan pa e tema di salimento na estado durante cu ta bao influencia di alcohol of droga.
Pa loke ta aña 2023, 39 hoben menor di edad a sali na estado y pesey WGK ta sigui traha riba e parti di prevencion cu charlanan na scolnan.
Giel a splica cu kier pa e hobennan bira mas consciente riba nan comportacion. WGK por duna tur informacion, pero ora cu nan ta bao di influencia e comportacion ta bay full robes.
Ta bay hinca den e programa kico ta e tarea di un mama hoben y e cuido di e baby. Ta topa cu muchanan di 14 aña cu no sa con pa traha e lechi di e baby, treciendo cu ne cu e baby no ta haya suficiente of ta haya di mas, a bisa.
El a bisa cu ta bay traha un programa pa e proyecto aki cu ta bay ilustra y haci enfasis kico ta nifica ora bo ta bira mama na un edad jong. Kico ta e tareanan y si e hoben por haci'e si of no.
Segun Monique Giel, esaki ta e parti cu ta bay enfoca durante e periodo di carnaval.
