ORANJESTAD (AAN): Den fin di siman cu a pasa, ademas di inaugura e decoracion di luz riba rotonde di Kibaima riba Green Corridor, WEB Aruba NV a inaugura tambe un asina yama ‘Mini Pueblo di Luz” dilanti nan planta na Balashi.
Dilanti un publico grandi a inaugura e mini pueblo di luz. For di trempan hendenan a bini cu famia, cla pa disfruta di Gaita Las Unicas Fabulosas, admira e presentacion di luz y saca potret cu famia.
Despues di un conteo di cinco pa uno, a primi e boton pa cende e luznan di WEB su mini pueblo di luz. Resultado di esey tabata un exhibicion di luz profesional y espectacular! E aña aki cu e tema di ‘Gingerbread.’ Esaki ta otro iniciativa di e team di decoracion di WEB, hunto cu boluntarionan, entre otro di WEB su contratistanan.
Masha danki tambe na comunidad, pa tur e bon reaccionnan! Bo ta bay wak luz den temporada di fin di aña? Pasa disfruta di e decoracion dilanti WEB na Balashi y saca potret hunto cu bo famia y amigonan.
https://diario.aw/ar/categories/noticia/general/web-a-inaugura-nan-mini-pueblo-di-luz-dilanti-nan-planta#sigProId0d4ab25fe7
