131 hunto cu The Movies a organisa 'Get The Message'

ORANJESTAD (AAN):  Den cuadro di celebracion di dia International di Derecho di Mucha y 24 aña di existencia 131, 131 conhuntamente cu The Movies @ Gloria a organisa ariba 20 di november ‘Get The Message’.   

            Durante ‘Get the Message?!’ studiantenan di Prinses Amalia Basisschool klas 5 y 6 y Schakel college klas 1 y 2 a mira, analisa y discuti tocante diferente short movie cu ta trata diferente derecho di mucha. Nan a elabora tocante e derechonan y a analisa e situacion actual tocante e derechonan aki na Aruba. Esaki a tuma lugar na The Movies @ Gloria di 08:30 am. pa 12:30 pm.

            Algun di e derechonan cu a ser trata ta articulo 1, 3, 5, 9, 13, 16, 19 etc.

            The Movies @ Gloria  a percura pa e muchanan ricibi un popcorn y cos di bebe. Na final e muchanan y e docentenan a keda sumamente contento cu e dia.

            131 kier a gradici su diferente partnernan cu ta tuma nan impacto social na serio y ta inverti den e muchanan y hobennan.