Wardacosta a yuda tres persona di cual nan boto a bolter riba lama

Rescate pabao di Malmok

ORANJESTAD (AAN): Tabata Diaranson mainta cu Wardacosta di Caribe Hulandes a ricibi un notificacion di Cuerpo Policial Aruba encuanto un boto cu a kapseis riba lama pabao di Malmok, y cu tres hende abordo awor ta drif den lama.

   Centro MOC di Wardacosta mesora a dirigi nan boto di reaccion rapido Metal Shark pa bay na e costa pabao di Aruba pa brinda asistencia na e tres hendenan y check kico por haci cu e boto.

   Na yegada, personal di Wardacosta a tuma nota cu enberdad e boto aki a kapseis y bolter completo.  Na e kiel di e boto a bin haya tres persona cu a keda wanta duro na dje.

   Wardacosta a hisa e tres personanan abordo di Metal Shark, y cu yudansa di e tres personanan aki mes, a logra pa tow e boto, evitando cu e ta sink.  Nan a bay cu e boto rumbo pa Palm Beach.  Na final por bisa cu tur tres persona a yega costa sano y salvo.