ORANJESTAD (AAN): Semper e deseo di Wardacosta di Caribe Hulandes tabata, pa nan personal keda educa nan mes continuamente pa asina por keda desaroya y progresa pa bira mihor den nan ehecucion di trabao.
Pesey e siman aki, nan a lanza e sistema educacional online di e organisacion, esta ‘Kustwacht Academie’.
Riba e plataforma online aki, e personal di Wardacosta tin acceso na riba di 250 curso, webinars, y podcast unda den mesun ritmo y tempo, nan por sigui adkiri experiencia y conocemento riba diferente tereno.
Door di laga e personal individualmente sigui crece, e calidad di trabao di Wardacosta di Caribe Hulandes ta mehora hopi sigur tambe.
