Corte Comun ta habri Courthouse Saba oficialmente

THE BOTTOM: Riba Diahuebs dia 30 di november 2023, Corte Comun di Husticia di Aruba, Curaçao, St. Maarten, Bonaire, St. Eustatius y Saba cu hopi orguyo a habri Courthouse Saba.

   Vice-presidente di Corte Comun di Husticia di St. Maarten, mr. Wouters a duna su punto di bista: “Na momento cu mi a cera conoci cu Saba, tabata hopi bisto cu gobierno local y pueblo tabata tin un gran necesidad pa un localidad permanente di husticia. Corte ta sumamente agradecido cu den e ultimo añanan por a usa e facilidadnan den bestuurskantoor y e sala di Eilandsraad, un danki special na Gezaghebber Johnson y e gobierno local pa por a haci esaki posibel.”

   Pero, pa medio di e principionan di trias política, caminda poder legislativo, poder ehecutivo y poder hudicial ta opera independientemente di otro, ta di sumo importancia cu Corte ta localisa fisicamente na un lugar apart. Awe tur hende ta testigo di esaki: pa prome biaha den historia nos ta habri un Courthouse riba e isla precioso Saba, cu tambe ta conoci como "the Unspoiled Queen".'

   Corte Comun di Husticia a disidi pa no habri e Courthouse na The Bottom, pero pa haci esaki na e bario pintoresco Windwardside. E decision aki, cu sigur a trece pregunta ku ne, ta basa riba e mantencion di trias politica. door di tene distancia fisico cu e gobierno, por mantene e independencia di husticia. A skohe facilmente pa Windwardside, door cu e edificio ta representativo y practico, e localidad ta central y tin basta lugar pa parkeer. Windwardside cu ta keda den curason di e isla, no solamente ta un lugar cu conose historianan interesante, pero caminda tambe husticia ta ser haya.