Wardacosta a detecta dos boto venezolano piscando ilegal den awanan di Aruba

ORANJESTAD (AAN):  Centro di Operacion Maritimo di Wardacosta a detecta dos contacto sospechoso den awanan di Aruba.

Na yegada di Wardacosta pa haci control di e botonan a nota cu tur dos tabata boto procedente di Venezuela cu tabata piscando ilegal den awanan di Aruba.

            E botonan tabata uza e sistema di pisca cu palambra, cual tambe ta yama ‘long-lines’. E sistema aki ta prohibi pa usa pa leynan di Aruba.

            E patruya di Wardacosta a duna guia na e dos botonan pa nan sali for di awanan di Aruba y e palambranan a ser saca for di awa y a destrui esakinan. E piscanan cu a confisca a ser entrega na Casa Cuna como un donacion.