Varios tata a ricibi regalo for di Do It Center Aruba

ORANJESTAD (AAN): Riba Diadomingo cu ta Dia di Tata, por a mira cu tur Do It Center na Aruba tabata yen-yen di cliente.

   Durante dia na tur 3 di e tiendanan, diferente fiel cliente di Do It Center cu ta Tata a haya un regalito di e compania.  Esaki ta un forma special di nan parti pa asina sinti e aprecio di e bon trabao cu nan ta haci tur dia como Rey di cas.

   Varios di nan a pose pa un potret cu nan famia, y cu un sonrisa di orea pa orea, demostrando cu nan tabata pasando un dia feliz.