Varios scol a yama pidi pa Tara hasi presentacion tambe pa alumnonan

Teach them young #Educate

ORANJESTAD (AAN): Durante siman di Dia Internacional di Bestia, a sigui cu e campaña di marca ARUBIAN^O su di 15 aniversario.  Nan embahadora, Tara van der Werk kende ta actual Miss Teen Aruba International, a sigui cu e campaña cu ta mishi cu su curason direct, esta pa sigui concientiza comunidad riba Derechonan di Animal.

   Danki na Nathy Ventura di Centro di Control di Cacho pa trece ‘Nina’ y siña nos muchanan tur loke ta encera cuido y amor pa nos bestianan!  Y tambe a haci algun les di enseñanza cu e buki educativo ‘Mi Mascota’.

   Tara a bay duna lectura di tur esaki na Colegio Sagrado Curazon na Savaneta.  Tambe el a bishita Fundacion Aruba Animal Shelter y Sgt. Pepper.  El a parti tas y pechi pa e juffrouw y muchanan tambe.  Su trabao ta centraliza pa concientiza tur hende riba e importancia pa cuida bo cacho como debe ser, y asina ta yuda salba nan bida.

   ARUBIAN^O, e marca local ta sigui su vision y mission pa protection y preservacion di nos Flora, Fauna, Birdlife y tur animal di nos Aruba!  Nan ta orguyoso di e interes grandi di nan embahadora Tara pa haci esaki.