Usando equipo pisa pa kita un pilar di hero

ORANJESTAD (AAN): Un pilar masivo di hero a wordo desmantela y kita for di Dakota Shopping Paradise riba Diadomingo merdia.

   E contratista a probecha cu ta un “lazy Sunday” pa asina usa un forklifter heavy duty pa asina lanta y kita e pilar masivo di hero for di su lugar cu pa hopi decada e tabata poni den e centro comercial aki.

   Na un forma ingenioso a pone esaki na un baki, unda e trahadornan a keda vigila e pilar aki ora cu a sake for di e lugar, y a hibe na un deposito cu ta situa net patras di e centro aki, den Olijfistraat.  Casi no tabatin trafico, pues e trabao a bay hopi rapido y safe.