ORANJESTAD (AAN): E dianan aki, DIARIO ta enfoca riba tur e empleadonan local den mundo di turismo,
cu a sobresali durante 2023 y cu recien a ricibi un tan codicia ‘AHATA Excellence Award’ durante un anochi di gala.
Uno di esnan cu a gana premio ta Ursula Phillipps. Ursula ta un Front Office Agent na Blue Residence.
E premio di AHATA Excellence a bay pe, pasobra Ursula ta wordo considera como un di e mihor personal di Front Office na su compania. Su amor y pasion pa e trabao ta briya cada dia, y esaki a pone cu cada aña nan ta sigui haya huespednan cu ta regresa eynan.
Pesey nan ta gradici Ursula pa su habilidad y pasion pa servicio na e huespednan. Pabien cu e premio.
