Do It Center Savaneta celebrando e di 15 aniversario di Filomena

ORANJESTAD (AAN): Un celebracion special tabatin recien na Do It Center Savaneta, como cu un persona hopi stima a observa su hubilo.

   Pesey mes, gerencia a honra Filomena Dirksz pa su 15 añanan increible di trabao duro, lealtad y resultado briyante.

   Gerencia a informa Filomena, cu su trayectoria den e compania a yuda nan forma e exito, y pesey nan ta agradecido pa tur momento cu e ta hunto cu nan.  Sigur nan ta spera di por conta cune pa hopi aña mas.

   Nan a entrega Filomena un plaquette conmemorativo, y tambe e acostumbrado envelop.