Universidad di Aruba ta brinda oportunidad di studia na cas tambe

Ministro tambe presente na anochi informativo

ORANJESTAD (AAN): Recientemente, Minister di Enseñansa y Deporte Endy Croes a atende Open House na Universidad di Aruba, unda tabatin diferente “booth” pa brinda informacion di e estudionan cu nan tin pa ofrece.

   Universidad di Aruba tin un total di 7 programa di bachelor: “Bachelor of Arts in Organization, Governance and Management”, “Bachelor of Arts in Social Work and Development”, “Bachelor of Science in Sustainable Engineering”, “Bachelor’s Degree in Aruban Law, LLB”, “Bachelor’s Degree in Commerce”, “Bachelor’s Degree in Economics” y “Bachelors Degree in Hospitality and Tourism Management” y tin 4 programa di master: “Master of Business Administration”, “Master of Science in Sustainability for Engineering at SISSTEM”, “Master’s Degree in Aruban Law” y “Masters in Governance & LeadershipLLM”.

   Universidad di Aruba ta brinda e hobennan e oportunidad di studia na cas cu gastonan mas abou y construi nan futuro na Aruba mes. Minister Endy Croes ta gradici e directiva, staf y docentenan di Universidad di Aruba cu a organiza un tremendo anochi informativo aki y ta desea tur studiante cu a scoge pa continua nan estudio na Universidad di Aruba hopi exito.