Papaya Ranch cu Bolas Criollas a rindi honor na Perucho Gonçalves

Conocido Perucho di Caribbean Store...

ORANJESTAD (AAN): Den e fin di siman largo di Himno y Bandera, Papaya Ranch ta organiza su Torneo Himno y Bandera di Bolas Criollas, cu participacion di 65 ekipo total.

   Cu gran aprecio Papaya Ranch a rindi honor na sr. Pedro Gonçalves mihor conoci como Perucho, arimador di ekipo Los Compadres y doño di su negoshi Caribbean Store. Pa Perucho su gran dedicacion y amor pa bolas criollas pa mas di 20 aña, Papaya Ranch ta dedica e torneo aki na su persona.

   Diadomingo mainta ora cu a start e Torneo Himno y Bandera di bolas criollas, tabatin hisamento di bandera cu cantamento di Himno.  Perucho a bin dilanti pa asina e saca prome bola. Despues weganan di infantil, hubenil, damas y caballeros lo sigui durante dia te cu 8:00’or di anochi.

   Na final di e Torneo, a anuncia e Ekipo Campeon, Sub-Campeon, 3er y 4to lugar den cada categoria. Tambe lo tin premio pa Mihor Boche y Mihor Arime den cada categoria.