Den juli 2021 a recupera 90% di pasahero cu a sali for di Aruba compara cu juli 2019
ORANJESTAD (AAN): E siman aki, Aruba Airport Authority N.V. a raporta cu hopi mas hende a biaha den luna di Juli.
Dunando un analisis riba e prestacion di Aeropuerto Internacional Reina Beatrix di Aruba pa juli 2021 unda cu e recuperacion mas fuerte a worde raporta desde cu e pandemia a cuminsa na Maart 2020.
Na juli 2021, Aeropuerto di Aruba a procesa 109,318 pasahero cu a sali for di Aruba. Esaki ta 29% mas cu e luna anterior. Durante juli AUA Airport a recupera 90% di e cantidad di pasaheronan cu a sali for di Aruba compara cu e mesun luna na 2019. Na juli 2021 91,715 pasahero a biaha pa Merca, 7,568 pasahero a biaha pa Europa, 3,724 pasahero a biaha pa Antiyas Hulandes, y 6,311 pasahero a biaha pa Latino America.
Un promedio di e passenger load factor (PLF) na salida (cantidad di asiento ocupa en comparacion cu e cantidad total di asiento dispobibel abordo di un avion na momento di sali for di Aeropuerto di Aruba pa e mercado Mericano di 91% a keda raporta den juli 2021, mientras cu e promedio di PLF pa tur mercado tabata 88% durante e mesun temporada (comparando cu 2019 unda e PLF promedio pa tur mercado tabata 85%).
Durante e luna anterior, Aeropuerto di Aruba a procesa un promedio di 30 buelo pa dia, esaki ta menos compara cu e 37 buelonan diario cu a worde pocesa durante e mesun temporada na 2019.
Den e mesun temporada na 2020 a procesa 275 buelo ora cu frontera a habri back pa operacionnan comercial na juli 2020.
https://diario.aw/ar/categories/noticia/general/un-total-di-109-318-pasahero-a-sali-for-di-aruba-na-juli-2021#sigProId91c431f0e1
