Un serie di problema DOW ta hayando pa loke ta trata RWZI

Segun Marlon Croes, director DOW:

* Esun na Eagle Beach Corridor a keda soluciona 

ORANJESTAD (AAN) – Den entrevista cu director di DOW, Ing. Marlon Croes, el a señala cu ta un serie di problema DOW ta hayando aworaki, pa loke ta trata RWZI  (Rioolwaterzuivering Installatie).

Na prome, manera ta conoci pa comunidad henter, e planta riba su mes ta uno hopi anticua, cu ta “overbelast” di cual ta ricibi 9000 cup pa dia, mientras cu e planta mes por procesa 4.500. Kiermen doble di loke e ta diseña p’e.

Di dos, Aruba ta den un temporada di awa, y Bubali Plas su nivel di awa a subi masha halto mes den dje, y nos a duna e prome señalnan cu nos tin cu a tuma medida preventivo, na inicio di luna di October; un proceso basta largo cu DOW por a habri sluis algun luna atras, y otro problema cu DOW a topa cu ne ta un cien meter di riolering, den Eagle Beach cu a colapse y a duna nan hopi dolor di cabes.

Den e caso aki DOW a cuminza cu e riolering. “Nos tabata tin un destaho cu a tuma lugar hopi lihe y, consecuentemente,  e trabaonan a cuminza y Diamars nan a finaliza esaki y pega esaki na e liña    bek, cu nos por a alivia e problema aki, na Eagle Beach Corridor”, Ing. Marlon Croes a duna di conoce.

El a agrega cu esaki no ta descarta cu e riesgo ta grandi ora tin awacero, e tubo di asbesto cu ta den mal condicion, e otro partinan por colapse tambe den e simannan nos dilanti. “Pero ban tin confianza cu lo peor a pasa y no ta bay tin colapsmento di tubo mas, den e caso aki.