Un Experiencia exclusivo riba Renaissance Private Island

Un anochi di Grill, Chill, and Mix

ORANJESTAD (AAN): Renaissance Wind Creek Aruba Resort ta orgulloso pa forma parti di e siman di apertura di “Autentico Aruba Culinary Festival” cu un evento di BBQ diferente y exclusivo “Grill, Chill, and Mix This Way!, cu lo tuma lugar Diasabra 11 di October 2025, na Renaissance private island.

   “Autentico Aruba Culinary Festival” no ta solamente un evento di cuminda, e ta un celebracion di e cultura vibrante di Aruba cu lo tuma lugar for di 11 te 19 di October 2025. E festival lo presenta top chefs, experiencianan culinario diverso, show cultural cu musica en bibo.

   “Grill, Chill and Mix This Way” lo ta e evento oficial di apertura cu un presentacion di un Barbecue eleva y prepara pa celebrity chefs Kevin Bludso y Delilah Winder riba Renaissance Private Island. Huespednan lo disfruta di un tremendo anochi na canto di lama, bon musica y un barbecue exclusivo.

   Cera conoci cu e celebrity chefs: Kevin Bludso, un pitmaster mundialmente famoso y conoci como un personaje di television. E ta fundador di Bludso’s BBQ na Los Angeles, un marca cu a ricibi reconocemento internacional. Conoci pa su “bold flavors” y como tambe su “Texas-style” barbecue, el a aparece den “Bar Rescue” como tambe na Netflix su American Barbeque Showdown. Su dedicacion y pasion den cushina a dune conocimento global.

   Delilah Winder, un “award-winning chef” y autor di cookbook. Delilah ta conoci pa su estilo “soulful”. el a presenta na Food Network y Top Chef Masters, su cookbook ta mustra su habilidad pa mezcla “comfort food” clasico cu arte culinario refina. Su pasion y historia den su mundo culinario ta hacie e embahadora perfecto pa e festival aki.

   E actividad ta Diasabra, 11 di October 2025, for di 7:00 pm pa 11:00 pm na Renaissance Private Island.  Lo bay cobra un suma pa persona, cu ta inclui viahe cu boto y bin bek di e isla, un cocktail na yegada, entretenimento en bibo di Joyride y DJ Silvano, y barbecue di e chefnan di celebridad.

   Algun di e platonan cu lo por disfruta di dje ta Chicken Tikka Taco, Tandoor butter chicken wings, Chef Kevin’s smoker classics Barbeque, smoked Barbeque pork ribs, brisket sliders, Delilah’s comfort food, World-famous Mac n’ Cheese y smoked oxtail.

   E no ta solamente e simpel Barbeque cu nos ta acustumbra di dje pero mas bien un biahe culinario combina di diferente cultura directamente for di grill.  Ya caba a cuminza bende tickets.