ORANJESTAD (AAN): Durante un conferencia di prensa na Hoya riba Plaza Daniel Leo,
e conocido Tyson Croes a divulga cu awor si e ta cla pa su evento di ‘Comedy Takeover’ cu lo bay tuma lugar dia 7 di October 2022 den Renaissance Convention Center.
Loke ta e atraccion principal, ta cu a logra di acumula 10 di e comediantenan mas famoso di Aruba, Bonaire, y Curaçao pa presenta un solo anochi. Tyson Croes a splica cu e idea aki ta uno cu a nace mas di 2 aña pasa, pero debi na pandemia a wordo wanta.
Pero awor si, cu participacion di e.o. conocido comediantenan manera Loloi, Encho, Dudui & Friend, Chokoi, Bokswiri, La Diva Cynthia, Pachi Damon, Bashaka, y Tyson Croes tambe. Keda pendiente pa informe den DIARIO pa haya sa unda ta bende tickets di early bird pa e evento.
