Minister Glenber Croes: *Toch ta duna nan un chens pa integra laboralmente
ORANJESTAD (AAN): Minister di Labor, Integracion y Energia, Glenbert Croes, durante un entrevista cu DIARIO a papia riba e maneho di integracion cu e kier formalisa durante e proceso di recuperacion di Aruba, post pandemia.
El a revela cu e ta trahando riba e formalisacion di e maneho aki unda e arubiano ta keda na prome lugar pa haya un trabao, pero pa loke ta e maneho di stranheronan, na lugar di un dunador di trabao busca trece mano di obra di afo, pa duna un oportunidad na esnan cu ta na Aruba caba y cu kier legalisa nan estancia na Aruba.
Nota: Lesa un articulo anterior relaciona cu e topico aki.
Den e mesun linea, Minister Croes a indica cu pa esnan cu ta ilegal na Aruba no tin ningun amnistia mas. Mayoria di e personanan aki ta bon hende, a enfatisa, pero door di pasa den un escrutinio pa haya un trabao, obviamente ta bay check rekisitonan manera si nan tin antecedentenan penal, etc.
"Tur hende di bon boluntad, cu kier yuda nos den nos desaroyo, nos kier apoya nan. Pero esnan cu kisas tin otro intencion, obviamente nos lo tin otro trato mas rigido pa nan", e mandatario a remarca.
