ORANJESTAD (AAN): Tabata Diabierna atardi pa 5:215 pm, net ora cu unidad di Polis di Playa tabata haciendo control den Caya Betico Croes, na altura di Victoria’s Secret den Caya Principal, nan a wordo acerca door di un turista.
E turista a relata na Polis, cu un persona homeless (Adicto Ambulante) a bin pidi limosna cerca dje. Pero esaki a socede na un forma masha agresivo mes. El a bisa Polis cu esaki a socede apenas 15 minuut prome.
E turista a bisa Polisnan cu e Adicto Ambulante aki tin color di cuero bruin, y tabatin un T-shirt berde bisti.
Despues di esey, Polisnan a core den e e area pero no a topa cu e Adicto Ambulante cu e descripcion ey.
Un poco despues, esta pa 5:20 pm, Central di Polis a manda Polis pa bay check na Plaza Daniel Leo, como cu eynan tin un Adicto Ambulante di remate, hopi molestoso cu turistanan.
Agentenan a core bay, y aki no a topa cu e Adicto Ambulante. Nan a sigui core, y finalmente a bin topa cu e conocido Lloyd, cu su T-shirt berde.
Polisnan a para Lloyd pa asina papia cune. Aki agentenan a mira cu e persona aki ta bao influencia di un of otro substancia, pues e ta intrankil, ta sudando, y ta actua raro.
Aki Polis a puntre kico el a haci cu e placa di e turista, y el a bin cu e storia cu e no a haci nada.
Toch na final, Polis a dicidi na detene e homber aki, di a viola Articulo 3.4 di Codigo Penal di Aruba. El a ser hiba mesora pa Warda di Polis, unda nan a presente dilanti Fiscal Auxiliar, kende a duna ordo pa e wordo encarcela pa asina wordo hiba pa Warda di Polis na Shaba. Pa asina e pasa tambe su wayaba y spera cu su estado di ta bao influencia lo pasa.
