ORANJESTAD (AAN): E informacion a drenta for di Lincoln, na estado di Maine na Merca, cu Ronald David Thornton a fayece siman pasa Diahuebs na edad di 91 aña.
Tur hende ta yame “Ron”, y den su hubentud e tabata den Ehercito Mericano unda el a yega te na e rango di Staff Sergeant, y a sirbi durante e Guera Koreano. Despues di guera, hunto cu su ruman Paul a habri un compania exitoso, y a bay den bendemento di auto tambe.
E tabatin un pasion pa aviacion, y a haya su licencia di piloto den decada di 1960. El a cumpra avion cu cual e tabata haci centenares di vuelo di negoshi pa bay vindishi di auto y bishita dealernan di Chrysler na Massachusetts. Tambe el a arma dos avion den otro, di cual uno semper tabata su orguyo, esta un avion Aeronca Champ di 1946.
Ron y su casa Sylvia tabata gusta bay busca solo na Florida y Aruba, unda cada biaha nan ta viaha cu amigonan, pa asina keda relaha pa oranan largo riba beach di e isla aki, y combersa cu amigonan.
