ORANJETSAD (AAN): Dos siman pasa, John R. Vaters, Jr. a fayece den compania di su famia, na Beth Israel Deaconess Medical Center na Boston.
Pa mas di 37 aña, hunto cu su casa Susan, nan ta bibando na Danvers (Massachusetts) na Merca. John tabata un trahador den sector di procesa hero, y a traha como un foreman di Ryan Ironworks pa hopi aña te cu el a retira di eynan.
John ta un berdero homber di famia. E tabata gusta subi avion y viaha rumbo pa Aruba cu su nietanan. E tin un timeshare na Aruba, y aki ta unda anualmente semper e ta bin cu su famia, pa disfruta di vakantie memorable pa hopi aña.
Ademas di goza di lama y sinta bao solo riba beach, John tabata gusta hunga golf.
El a bay laga su casa Susan, su yiu muher Jaclyn, varios ruman, y tambe nieto na cantidad. John tabatin 69 aña di edad.
